የሙስና ወንጀል ተጠርጣሪዎች አሥር ቢሊዮን ብር እና ከ90 በላይ ተሽከርካሪዎች ተገኝቶባቸዋል

አንድ ተጠርጣሪ ከ50 በላይ ተሽከርካሪዎች ተገኝቶበታል

Gebrewahidከግንቦት 2 ቀን 2005 ዓ.ም. ጀምሮ በከባድ ሙስና ወንጀል ተጠርጥረው ከኢትዮጵያ ገቢዎችና ጉምሩክ ባለሥልጣን ከፍተኛ ባለሥልጣናት፣ ኃላፊዎችና ሠራተኞች ጋር በቁጥጥር ሥር የዋሉ ነጋዴዎች፣ ከ90 በላይ ተሽከርካሪዎች እንደታገዱባቸው ምንጮች ለሪፖርተር ገለጹ፡፡

የአብዛኛዎቹን ተጠርጣሪዎች የባንክ ሒሳብ ያሳገደው የፌዴራል የሥነ ምግባርና የፀረ ሙስና ኮሚሽን መርማሪ ቡድን እስካለፈው ዓርብ ድረስ በተጠርጣሪዎቹ፣ በቤተሰቦቻቸው፣ በንግድ ድርጅቶቻቸውና በተለያዩ ሁኔታዎች ተመዝግበው የሚገኙ ተሽከርካሪዎቹን ማሳገዱን ምንጮች አረጋግጠዋል፡፡

በእስር ላይ የሚገኙት ተጠርጣሪዎች ተሽከርካሪዎቻቸው የታገዱ መሆናቸውን የገለጹት ምንጮቹ፣ ከ50 በላይ የሚሆኑት ተሽከርካሪዎች ስማቸው ያልተጠቀሰ የአንድ ተጠርጣሪ ንብረት መሆናቸውን አረጋግጠዋል፡፡

ከቤት አውቶሞቢል እስከ ተሳቢ የጭነት ተሽከርካሪዎች መታገዳቸውን የገለጹት ምንጮች፣ የኮሚሽኑ መርማሪ ቡድን በተጠርጣሪዎቹ ላይ ተጨማሪ ማስረጃዎችን ለመሰብሰብ ባደረገው እንቅስቃሴ ሌሎች ተጨማሪ ንብረቶችን ማግኘቱንም አስረድተዋል፡፡

መርማሪ ቡድኑ ተጨማሪ ማስረጃዎች ያላቸው የተሠሩ ቤቶች፣ ካርታ የተሠራላቸው መሬቶችና ሌሎችን ንብረቶችን በሚመለከት፣ የኮሚሽኑ ኃላፊዎች ከአዲስ አበባ ከተማ አስተዳደር ኃላፊዎች ጋር እየተወያዩበትና እየተመካከሩበት መሆኑን ምንጮቹ ጠቁመዋል፡፡

መርማሪ ቡድኑ የተጠርጣሪዎቹ የባንክ ሒሳብ እንዲታገድ በማድረጉ ከአሥር ቢሊዮን ብር በላይ እንዳይንቀሳቀስ ሳያደርግ እንደማይቀር ምንጮች ግምታቸውን አስረድተዋል፡፡

የኮሚሽኑ መርማሪ ቡድን ፍርድ ቤት አቅርቦ የጊዜ ቀጠሮ የጠየቀባቸው ተርጣሪዎች 59 ሲሆኑ፣ አንዱ ተጠርጣሪ ግን መለቀቃቸው ይታወሳል፡፡

ethiopianreporter.com

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s